Европын холбооны санхүүжилтээр Дархан-Уул аймагт хэрэгжиж буй “Найрамдал төсөл” -ийн зорилтын хүрээнд Дархан форумын тав дахь удаагийн хэлэлцүүлэг болох "Төр хувийн хэвшлийн хамтын ажиллагаа, Хүнс үйлдвэрлэл эрхлэгчдийн нэтворкинг форум өнөөдөр /2024.01.24/ зохион байгуулагдаж байна.
Монгол улсын тогтвортой хөгжлийн үзэл баримтлал 2030-ын аж үйлдвэрийн бодлогын хоёрдугаар зорилт, Монгол улсын ерөнхийлөгчийн санаачилгаар хэрэгжүүлж буй “Хүнсний хувьсгал” аяны хүрээнд орон нутгийн хүнс үйлдвэрлэгчдийн бүтээгдэхүүний гарц, чанарыг сайжруулах улмаар төр, хувийн хэвшлийн хамтын ажиллагааны хүрээнд хүнс үйлдвэрлэл, ЖДҮ болон өрхийн үйлдвэрлэлийн борлуулалтыг нь дэмжих зорилготой тус форум болж байгаагаараа онцлог юм.
Уг форумд иргэд, аж ахуйн нэгж байгууллага, төрийн байгууллагуудын төлөөлөл оролцож байна.
Форумын үеэр хүнсний үйлдвэрлэл эрхлэгч иргэн, аж ахуйн нэгж байгууллагуудад зориулсан танилцуулга уулзалт, сургалт мэдээллийг өгч, үйлдвэрлэл эрхлэгчдийн борлуулалтыг дэмжих зорилгоор бүтээгдэхүүний үзэсгэлэнг гаргажээ.
